{PUṞAM 152}
((Originally extracted from master file ^PURAM.OCP))
((Last updated on 2004 April 14th))
{PU 152-1} vēḻam vīḻatta viḻu toṭai pakaḻi
{PU 152-2} pēḻ vāy uḻuvaiyai perumpiṟitu uṟīi
{PU 152-3} puḻal talai pukar kalai uruṭṭi ural talai
{PU 152-4} kēḻal paṉṟi vīḻa ayalatu
{PU 152-5} āḻal puṟṟattu uṭumpil ceṟṟum
{PU 152-6} val vil vēṭṭam valam paṭuttu iruntōṉ
{PU 152-7} pukaḻ cāl ciṟappiṉ ampu mika tiḷaikkum
{PU 152-8} kolaivaṉ yār kol ō kolaivaṉ maṟṟu ivaṉ
{PU 152-9} vilaivaṉ pōlāṉ veṟukkai naṉku uṭaiyaṉ
{PU 152-10} āram tāḻnta am pakaṭṭu mārpiṉ
{PU 152-11} cāral aruvi paya malai kiḻavaṉ
{PU 152-12} ōri kol ō allaṉ kol ō
{PU 152-13} pāṭuval viṟali ōr vaṇṇam nīr um
{PU 152-14} maṇ muḻā amaimiṉ paṇ yāḻ niṟumiṉ
{PU 152-15} kaṇ viṭu tūmpiṉ kaḷiṟṟu uyir toṭumiṉ
{PU 152-16} ellari toṭumiṉ ākuḷi toṭumiṉ
{PU 152-17} patalai oru kaṇ paiyeṉa iyakkumiṉ
{PU 152-18} matalai mā kōl kaivalam tamiṉ eṉṟu
{PU 152-19} iṟaivaṉ ākaliṉ collupu kuṟuki
{PU 152-20} mū ēḻ tuṟai um muṟai uḷi kaḻippi
{PU 152-21} kō eṉa peyariya kālai āṅku atu
{PU 152-22} taṉ peyar ākaliṉ nāṇi maṟṟu yām
{PU 152-23} nāṭṭu iṭaṉ nāṭṭu iṭaṉ varutum īṅku ōr
{PU 152-24} vēṭṭuvar illai niṉ oppōr eṉa
{PU 152-25} vēṭṭatu moḻiya um viṭāaṉ vēṭṭattil
{PU 152-26} tāṉ uyir cekutta māṉ niṇam puḻukkōṭu
{PU 152-27} āṉ urukku aṉṉa vēriyai nalki
{PU 152-28} taṉ malai piṟanta tā il nal poṉ
{PU 152-29} pal maṇi kuvaiyoṭu um viraii koṇm eṉa
{PU 152-30} curattu iṭai nalkiyōṉ ē viṭar cimai
{PU 152-31} ōṅku irum kolli porunaṉ
{PU 152-32} ōmpā īkai viṟal veyyōṉ ē